logo

வடக்கு பட்டதாரிகள் மீது தொண்டர் ஆசியர்கள் குற்றச்சாட்டு!

தமது எதிர்­கா­லத்­துக்­காக வேலை வாய்ப்­புக் கோரும் வடக்கு மாகா­ணப் பட்­ட­தா­ரி­கள் வடக்கு மாகாண தொண்­டர் ஆசி­ரி­யர்­க­ளின் கோரிக்­கை­க­ளைக் கொச்­சைப்­ப­டுத்­தும் விதத்­தில் நடந்து கொள்­ளக் கூடாது. இவ்­வாறு வடக்கு மாகாண தொண்­டர் ஆசி­ரி­யர் சங்­கத் தலை­வர் தெரி­வித்­தார்.

அவர் தெரி­வித்­த­தா­வது,

வடக்கு மாகா­ணப் பட்­ட­தா­ரி­கள் தமக்கு அரச நிய­ம­னம் வழங்­கக் கோரிக் கடந்த 74 நாள்­க­ளா­கப் போராட்­டம் நடத்­து­கின்­ற­னர். அது­ அவர்­க­ளின் உரிமை என்­ப­து­டன் தேவை­யு­மா­கும். அவர்­க­ளின் போராட்­டத்­துக்கு நாம் தார்­மீக ஆத­ரவை வழங்­கு­கின்­றோம்.

அதே­வேளை பட்­டதா­ரி­கள் தமக்­கான எதிர்­கா­லத்தை மட்­டும் கருத்­தில் கொண்டு ஏனை­யோ­ரைப் படு­கு­ழி­யில் தள்­ளும் செயற்­பாட்­டில் இறங்­கக் கூடாது.

மாவட்ட செய­ல­கத்­தின் முன்­பா­கப் பட்­ட­தா­ரி­கள் நடத்­தும் போராட்­டத்­தின் இடைப்­பட்ட காலத்­தி­லும், கடந்த 9ஆம் திகதி வடக்கு மாகாண சபை­யின் முன்­பாக அவர்­கள் நடத்­திய போராட்­டத்­தி­லும் இவ்­வா­றான செயற்­பா­டு­க­ளைக் காண முடி­கின்­றது.

வடக்கு மாகா­ணத்­தில் ஆயி­ரத்து 300 தொண்­டர் ஆசி­ரி­யர்­க­ளுக்கு நிய­ம­னம் வழங்­கப்­ப­ட­வுள்­ளது என்­றும், அதில் 400 பேர் வரை­யா­னோரே 2009ஆம் ஆண்­டுக்கு முன்­னர் பணி­யாற்­றி­ய­வர்­கள் என்­றும் ஏனை­யோர் தற்­போது வந்­த­வர்­கள் என்ற தொனி­யில் கூறி­யுள்ள பட்­ட­தா­ரி­கள், 400 தொண்­டர் ஆசி­ரி­யர்­க­ளுக்கு மட்­டும் நிய­ம­னங்­களை வழங்கி விட்டு எஞ்­சிய 900 வெற்­றி­டங்­க­ளில் பட்­ட­தா­ரி­களை நிய­மிக்க வேண்­டும் என்று ஏனை­யோ­ரின் வாய்ப்­பைத் தட்­டிப் பறிக்­கும் விதமான கருத்­துக்­க­ளைப் தெரிவிப்பது வடக்கு மாகாண தொண்­டர் ஆசி­ரி­யர்­களை வேத­னைக்­குள்­ளா­கு­கின்­றது.

பட்­ட­தா­ரி­க­ளான நீங்­கள் வேலை­யின்­றித் தவிக்­கின்­றீர்­கள். தொண்­ட­ரா­சி­ரி­யர்­க­ளான நாம் நிய­ம­னமோ அல்­லது சம்­ப­ளமோ இன்றி பணி­யாற்­றித் தற்­போது நிய­ம­னத்­துக்­காக அலை­கின்­றோம். எமது இந்த நிலமை ஓராண்டோ, ஈராண்டோ அல்ல 2009ஆம் ஆண்டு முதல் தொடர்­கின்­றது. இவ்­வா­றான கருத்­துக்­களை வெளி­யிட்ட சந்­தர்ப்­பத்­தில் போராட்­டத்­தில் ஈடு­பட்ட பட்­ட­தா­ரி­க­ளைச் சந்­தித்து தனிப்­பட்ட முறை­யில் எமது நில­மை­களை விளக்­கி­னோம்.

இவ்­வா­றான வார்த்­தைப் பிர­யோ­கங்­களை போராட்­டத்­தின்­போது உப­யோ­கிக்க வேண்­டாம் என்று கேட்­டுக் கொண்­டோம். அதன்­பின்­ன­ரும் அவர்­கள் தவ­றான அணு­கு­மு­றை­யைக் கையாள்­வது வருத்­த­ம­ள­ளிக்­கின்­றது.

இவ்­வா­றான போராட்­டங்­க­ளின்­போது பாதிக்­கப்­பட்ட அனைத்­துத் தரப்­பி­ன­ரை­யும் இணைத்­துக் கொண்டு முன்­செல்­வதே வெற்­றியை அளிக்­கும் என்­பதே எமது முடிவு – என்­றார்.

Leave a Reply

Your email address will not be published. Required fields are marked *

*